Gjilani po vuan për ujë, ministrja Dumoshi u premton pishinë olipmike
Ministrja e Kulturës, Rinisë dhe Sportit, Vlora Dumoshi ka premtuar ndërtimin e pishinës gjysëm-olimpike dhe dy fushave tenisi në Komunën e Gjilanit.
Këto premtime, ministrja Dumoshi i shpalosi gjatë konferencës së mbajtur sot për media me kryetarin e Komunës së Gjilanit, Lutfi Haziri.
Ministrja e MKRS-së, Vlora Dumoshi ka zhvilluar sot një vizitë zyrtare në Komunë e Gjilanit, me ç’ rast krerëve të kësaj komuna u ka ofruar bashkëpunim për investime dhe mbështetet në fushën e kulturës, rinisë dhe sporteve.
Përveç ndërtimit të pishinës olimpike dhe dy fushave tenisi, ministrja e MKRS-së ka premtuar edhe investime në Palestrën e Zhegrës, Palestrën e Sportit dhe në Stadiumin e Qytetit.
“Do ta zhvillojnë edhe tenisin dhe kemi paraparë ndërtimin e dy fushave të tenisit në Gjilan. Vitin e ardhshëm në komunën e Gjilanit do të nisim ndërtimin e pishinës gjysmë olimpike”, ka thënë Dumoshi.
Ajo ka premtuar edhe mbështetje në kulturë dhe rini, sidomos në mbështetet të teatrit të qytetit.
Ndërsa kryetari i Gjilanit, Lutfi HAziri ka potencuar gjatë konferencës se ka marrë mbështetjen e ministres Dumoshi për realizimin e projekteve të komunës në kulturë, rini dhe sporte.
Sipas tij, Gjilani po njihet për zhvillim të sporteve të ndryshme sidomos të karatesë.
“Mbështetja për renovimin e palestrës së sporteve, studimit, ndërtimin e pishina gjysmë olimpike dhe dy fusha tenisi janë befasia që neve në Gjilan na ka bërë ministrja”, ka thënë Haziri.
