Pamje nga ekspozita e Lirije Buliqit. Foto: KALLXO.com
FOTO: Ekspozita e Lirije Buliqit në Galerinë e Ministrisë së Kulturës
17.5.2021 - 10:54
Mbi 60 vepra artistike në qeramikë të artistes, Lirije Buliqi po qëndrojnë të ekspozuara në Galerinë e Ministrisë së Kulturës (Galeria Qafa), në Kompleksin “Qafa” në Prishtinë.
Ekspozita është kuruar nga Erëmirë Krasniqi, ndërsa do të jetë e hapur deri më 11 korrik 2021.
Punimet e shfaqura në këtë ekspozitë janë realizuara nga Buliqi në një periudhë kohore nga viti 2004 deri 2011.
Shumë nga punimet e saj sfidojnë kategoritë, si të tilla ekzistojnë në një hapësirë krijuese në mes të qeramikës dhe skulpturës; pllakës dhe pikturës; zanatit dhe artit.
Të krijuarit në këtë hapësirë të ndërmjetme i ka mundësuar Buliqit që të hulumtojë terrene taktile, megjithëse estetike.