Dita e Pavarësisë, dy ekspozita hapen në Muzeun Kombëtar të Kosovës
Dy ekspozita janë hapur sot në Muzeun Kombëtar Kosovës për të shënuar 12 vjetorin e Pavarësisë së Kosovës.
Ekspozita “Kosova në arkivin e shtetit shqiptar”, organizuar nga Agjencia Shtetërore e Arkivave të Kosovës dhe Arkivi i Shqipërisë në bashkëpunim edhe me Muzuen e Kosovës është hapur në Lapidariumin e MKK-së.
Në kuadër të kësaj ekspozite janë ekspozuar materiale e dokumente të periudhave të ndryshme për Kosovën nga arkivi.
Ndërsa ekspozita “Trashëgimia Arkeologjike Adriatiko-Mediteriane në Kosovë” me autor Tomor Kastrati është hapur në Muzeun e Kosovës.
Kjo ekspozitë pasqyron historikun e Kosovës që nga antikiteti deri në çlirim më 199, përmes artefakteve të ndryshme.
Ekspozita “Kosova në arkivin e shtetit shqiptar”, dhe “Trashëgimia Arkeologjike Adriatiko-Mediteriane në Kosovë” janë pjesë e aktiviteteve shtetërore për shënimin e 12 vjetorit të Pavarësisë së Kosovës.