Dita e Fëmijëve, Baleti Kombëtar jep nesër shfaqje në Obiliq

Baleti Kombëtar i Kosovës ka bërë të ditur se nesër, më 01.06.2024. në Ditën Botërore të Fëmijëve do të shfaqë në Obiliq premierën e baletit “Peter Pan”.

Sipas njoftimit, kjo premierë do të jepet në Qendrën e Kulturës “Xhavit Haziri”.

Shfaqja do të jepet në dy termine, në ora 12:00 dhe 14:00.

Peter Pan, thuhet në njoftim, është një personazh imagjinar i krijuar nga romancieri dhe dramaturgu skocez J. M. Barrie.