Bashkëpunimi Kosovë - Shqipëri, nesër në Prishtinë hapet ekspozita ‘After Party’
26.1.2022 - 13:21
Në kuadër të bashkëpunimeve kulturore Kosovë – Shqipëri, nesër, më 27 janar 2022, hapet në Galerinë e Ministrisë së Kulturës ekspozita “After Party”.
Përmes një njoftimi në Facebook, Galeria e Ministrisë së Kulturës bën të ditur se kjo ekspozitë prezanton punën e Enkelejd Zonja dhe Vigan Nimani, kuruar nga Zef Paci.
Sipas njoftimit, ekspozita hapet në ora 19:00.
“Në këtë ekspozitë, që është përzgjedhë të shpaloset interesi në marrëdhënie me momentin historik të së kaluarës, dy artistët sjellin temat e kohës, kujtesës e perceptimit”, thuhet në njoftimin e Galerisë së MKRS-së.
Ekspozita do të qëndrojë e hapur deri më 27 Prill 2022.