Artistja gjermane Monika Kropshofer me ekspozitë në Galerinë ‘Qahili'
24.9.2019 - 14:35
Galeria “Qahili” në Prishinë do të hapë më 30 shtator 2019 ekspozitën personale “Realitete të zgjeruara” të artistes gjermane, Monika Kropshofer.
Përmes një njoftimin menaxhmenti i Galerisë Qahili njofton se Arti i Monika Kropshofer është arti i dialogut – fotografia dhe piktura, saktësia dhe shpërbërja, gërshetohen në kompozimet e saj.
‘Arkitektura dhe elementet e saj – fasadat, dritaret, shkallët por edhe gjërat e laike janë objekti dhe fusha estetike e eksperimentimit të Monika Kropshofer. Me këtë artistja shtron pyetje themelore rreth sipërfaqes dhe hapësirës”, thuhet në njoftimin e Galalerisë “Qahili”.
Ekspozita është kuruar nga artistja Tamara Tziroulnikoff dhe do të jetë e hapur deri më 12 tetor 2019.