Aktori Alban Krasniqi nderohet nga Komuna e Prizrenit
Aktori i teatrit “Bekim Fehmiu”, Alban Krasniqi, është nderuar me çmimin ‘Bekim Fehmiu’ nga Komuna e Prizrenit.
Këtë çmim aktori Krasniqi e mori për kontributin e dhënë në artin skenik gjatë këtij viti.
Çdo fundvit Komuna e Prizrenit organizon aktivitetin “Më të mirët e vitit” ku nderohen me mirënjohje personalitetet prizrenase për kontrubute në fusha të ndryshme.
Menaxhmenti i teatrit të Prizrenit përmes një postimi në Facebook ka njoftuar për çmimin që ka marrë aktori Krasniqi.
“Në ngjarjen ‘Më të mirët e vitit’, ngjarje që Komuna e Prizrenit organizon në çdo fund vit, aktori i teatrit tonë, Alban Krasniqi u shpërblye me çmimin ‘Bekim Fehmiu’ për kontributin në art. Çmim ky që këtë vit ka emërtimin e ri, ‘Bekim Fehmiu’, ngase në vitin e kaluar e më herët është quajtur ‘Çmim për kontributin në Artin Skenik’”, thuhet në njoftimin e teatrit “Bekim Fehmiu”.
