Zenun Elezaj, AAK, Klinë. Foto: Kallxo.com
Zvarritet ndërtimi i stacionit të autobusëve në Klinë
Deklarata
Zenun Elezaj: Vendimi im i parë në krye të komunës do të jetë ai për inicimin e procedurave për ndërtimin e stacionit të autobusëve.
Vlerësimi
Qëndrim i ndërruar
Kryetari i komunës së Klinës e ka ndryshuar qëndrimin sa i përket ndërtimit të Stacionit të Autobusëve. Ai kishte kërkuar 2 vjet kohë për ndërtimin e Stacionit të Autobusëve, mirëpo tash po thotë se këtë projekt do të përfundojë në vitin e parafundit të qeverisjes së tij (2020).
Artikulli
Kryetari i Klinës, Zenun Elezaj në Debat Pernime kishte thënë se vendimi i tij i parë nëse zgjidhet kryetar do të jetë për ndërtimin e stacionit të autobusëve.
“Vendimi im i parë në krye të komunës do të jetë ai për inicimin e procedurave për ndërtimin e stacionit të autobusëve”, ka thënë Elezaj nga AAK.
Elezaj gjatë zgjedhjeve komunale ka premtuar që në vitin e dytë të mandatit do të ndërtohet stacioni i autobusëve.
“Për stacionin e autobusit, unë ne vitin e parë do të shoh planin rregullativ a ka probleme, dhe ne vitin e dytë do të ndërtohet stacioni i autobusit”
Mirëpo, për KALLXO.com, kryetari i Klinës ka thënë se ky projekt do të shtyhet deri në vitin e tretë të mandatit.
“Për arsye të dilemave të qytetareve për lokacionin e stacionit te autobusëve, e te cilin shqetësim mendojmë ta shtjellojmë me projektin e Hartave Zonale, ndërtimin e Stacionit te Autobusëve do te bëjmë gjate vitit 2020”, tha Elezaj.
Shkruar nga Xheneta Murtezaj
