Xhafer Tahiri premton pedagogë nëpër shkolla

Xhafer Tahiri- “Këtë vit do të angazhohen pedagogët nëpër shkolla”

Kryetari i Vushtrrisë, Xhafer Tahiri në emisionin, “Jeta në Komunë” përballë Jeta Xharrës ka thënë se deri  në fund të vitit do të angazhojnë pedagogë nëpër shkolla pasi ka mungesë të tyre.

Gjatë debatit është përmendur edhe mungesa e logopedëve në shkollat e Vushtrrisë por për të cilat kryetari Tahiri nuk ka dhënë premtim.

Ai ka thënë se fëmijët që kanë nevojë për logopedë, subvencionohen nga komuna.

““Këtë vit do të angazhohen pedagogët nëpër shkolla… kemi vendosë që të mos punësojmë më staf teknik por të punësojmë logopedë dhe pedagogë, secili fëmijë që ka nevojë të shkojë te logopedi, komuna i subvencion nga 300 deri në 500 euro. Çdo fëmijë që ka ardhë me nevoja të veçanta për të kërkuar një gjë të tillë e kemi ndihmuar”, tha ai.