Titulli i rremë rreth këshillave të Rusisë për ‘aneksim’ të një pjese të territorit të Kosovës nga Serbia

Beogradi KëshiIIohet Nga Rʋsïa!: Merreni Këtë Pjesë Të Kosovës Ne Ju Rrijmë Mbrapa!

Ueb-faqja “trendonline.com”, ka publikuar një artikull duke pretenduar se Rusia e ka këshilluar Beogradin që të marrë një pjesë të Kosovës, dhe se ata do të qëndrojnë pranë shtetit serb.

Artikulli është publikuar më datë 26 mars 2022 me titullin “Beogradi KëshiIIohet Nga Rʋsïa!: Merreni Këtë Pjesë Të Kosovës Ne Ju Rrijmë Mbrapa!”. Artikulli është publikuar në kohën kur në Ukrainë po vazhdon lufta e nisur nga Rusia.

Artikulli është shpërndarë në Facebook në faqen “Molla e Kuqe” më 5 prill të këtij viti. Kjo faqe ka mbi 36 mijë ndjekës.

Artikulli ndërkaq flet për Asociacionin e komunave me shumicë serbe, ku citohet media serbe “Danas” dhe ajo kosovare “Koha.net”.

Media serbe “Danas” citohet në deklarata të “disa qarqeve politike në Moskë se Beogradi para së gjithash duhet të insistojë në atë që t’i marrë komunat në veri të Kosovës”.

“R usët e konsiderojnë “rre në të kuIIuar” çështjen e themelimit të Asociacionit të Komunave Serbe, se “Perëndimi dhe Prishtina nuk do të pranojnë që AKS-ja (Asociacioni i Komunave Serbe) të ketë p ushtet e kzekutiv”, shkruan sot “Danas” i Beogradit, transmeton Koha.net”, thuhet në fjalinë e parë të këtij artikulli.

“Disa qarqe politike në Moskë konsiderojnë se Beogradi para së gjithash duhet të insistojë në atë që t’i marrë k0munat në veri të Kosovës, përkatësisht se në jug të Ibrit nuk mund të fitojë asgjë”, p ohojnë dipIomatët në të cilat thirret ‘Danas’”, thuhet tutje në artikull.

Titulli dhe artikulli është i shkruar me gabime gjuhësore dhe teknike.

Së fundi nuk ka pasur asnjë deklaratë zyrtare për pretendimet ruse drejt Beogradit, për territorin e Kosovës.