Titulli i rremë për ‘tërmet në Beograd’
Deklarata
Tërmet në Beograd!! Presidenti Biden emëron veteranin e Iuftës së Kosovës si shef të Komandës Qendrore
Vlerësimi
Rrenë
Materiali është vlerësuar si i pavërtetë pasi i ofron lexuesit informacion të rrejshëm për kohën kur po zhvillohet ngjarja.
Zhvendosja e informacioneve në kohë nuk lejohet ndërsa prodhuesit e informacioneve duhet ta informojnë publikun për kohën e saktë se kur po zhvillohet ngjarja.
Po ashtu materiali nuk ofron asnjë dëshmi që në Serbi ka pasur reagime për emërimin e gjeneralit në këtë pozitë. Gjatë prodhimit të materialeve, gazetarët duhet t’i ofrojnë lexuesit burime të identifikueshme të informacionit.
Artikulli
Tërmet në Beograd!! Presidenti Biden emëron veteranin e Iuftës së Kosovës si shef të Komandës Qendrore
Në faqet e internetit web.24newsalljust.com dhe lajme.buzz është publikuar më 10 gusht 2022 një artikull me titullin “Tërmet në Beograd!! Presidenti Biden emëron veteranin e Iuftës së Kosovës si shef të Komandës Qendrore”.
Kjo përmbajtje është shpërndarë edhe në disa faqe tjera të Facebook-ut: Gazeta Mitrovica, Atdheu.net dhe Videointeresante
Ndonëse në titull pretendohet se ka “tërmet në Beograd” për shkak të emërimit nga presidenti i ShBA-ve, Joe Biden, në fakt brenda artikullit nuk është referuar për asnjë reagim të mundshëm nga shteti serb.
Përmbajtja e njëjtë është publikuar edhe më 23 mars 2022 nga faqja e internetit Lajme.icu. Ndërsa, në periudha të ndryshme kohore është shpërndarë në disa faqe të Facebookut: Lajme dhe Kuriozitete më 14 maj 2022, Gazeta Infoplus më 6 shkurt 2022, Populli Shqiptar 7 prill 2022, Info Globale më 31 korrik 2022.
Krypometri ka kontrolluar përmbajtjen e artikullit elementi i parë është zhvendosja kohore e lajmit. Emërimi i gjeneralit në /këtë pozicion ka ndodhur në muajin shkurt 2022, ndërsa prodhuesit e këtij informacionit e kanë publikuar informacionin në muajin gusht në një kontekst tjetër kohor pa i dhënë lexuesit informacion që emërimi ka ndodhur 6 muaj më herët.
Përmbajtja tjetër e artikullit e cila thekson se ky lajm ka shkaktuar tërmet në Serbi poashtu është e pavërtetë pasi për këtë emërim nuk ka pasur asnjë reagim në shtetin e Serbisë.
Gjatë prodhimit të informacioneve publikuesit duhet t’i japin lexuesit burimin e saktë të informacionit. Artikulli në fjalë nuk e ofron dëshminë se ku janë bazuar prodhuesit për të arritur në konstatimin që ky lajm ka shkaktuar tërmet në Serbi.
