Titulli i rremë për Ligjin për pensionimin e hershëm

Urime, Ligji hyri në fuqi, pensionimi më i hershëm tanime prej moshës

Faqja e internetit ‘Web4lajme.icu’ ka publikuar një lajm me titullin “Urime, Ligji hyri në fuqi, pensionimi më i hershëm tanime prej moshës..” 

Artikulli është shpërndarë në disa faqe në Facebook si “Jeta dhe Shëndeti”, ‘Gazeta Insajd’, ‘Flash Lajme’. 

Në artikull është e shkruar komplet diçka tjetër, që në fakt është e pakuptimtë dhe nxitë për të klikuar në ‘reklama’.

“Sipas këtij raporti, i cili bazohet në të dhënat e siguruara nga Thesari i Shtetit, del se shërbyesit civilë përbëjnë 26.7% të të gjithë të punësuarve në sektorin publik Mosha mesatare e shërbyesve civilë në Kosovë është 47.5 vjeç. Per te aplikuar shtypni tek hapsira re kalmeuese qe gjendet poshte ketij teksti”- thuhet në artikull.

Titulli është i rremë dhe nuk përputhet me përmbajtjen e artikullit. Nuk ka ligj të ri, të miratuar apo që ka hyrë në fuqi për pensionim më të hershëm. 

Të enjten më 4 gusht ishte seanca e fundit të Kuvendit të Kosovës për sesionin pranveror. 

Në këtë seancë janë miratuar disa projektligje në lexim të parë apo të dytë, si për shembull ai për financimin e partive politike, apo Projektligji për Qeverinë. Por nuk ka asnjë ligj për pensionimin.