Titulli i rremë për gjendjen mendore të 38-vjeçarit
Deklarata
Çmendet” 38-vjeçari shqiptar, ja çfarë i bëri ish-bashkëjetueses së tij në mes të lokalit
Vlerësimi
Me kos
Titulli i artikullit “Çmendet” 38-vjeçari shqiptar, ja çfarë i bëri ish-bashkëjetueses së tij në mes të lokalit” nuk është i mbështetur në fakte. Në artikull nuk ofrohet asnjë dëshmi se personi në fjalë është i çmendur. Një person i çmendur nuk mund të jetë penalisht përgjegjës, ndërsa në rastin konkret i njëjti është në kërkim nga Policia e Shqipërisë.
Artikulli
Më 19 mars 2023 faqja e internetit “kosova-sot.info” ka publikuar një artikull me titull: “Çmendet” 38-vjeçari shqiptar, ja çfarë i bëri ish-bashkëjetueses së tij në mes të lokalit”.
Ky artikull është shpërndarë edhe në Facebook faqen “Kosova Sot”.
Shkrimi tregon se një 38-vjeçar, është shpallur në kërkim nga policia, pasi ka ushtruar dhunë ndaj ish-bashkëjetueses së tij, në fshatin Dishnicë të Korçës.
Përkundër paralajmërimit në titull, në artikull nuk ka asnjë provë që ky person është çmendur.
Po ashtu, një person i çmendur nuk mund të jetë penalisht përgjegjës.