Titulli i rremë për deklarimin e pa bërë të Presidentit Biden
Deklarata
Po i prekët Shqiptarët ju betohem se jemi gati ta ‘shkatërrojmë’ për 24 orë çdo shtet..!!
Vlerësimi
Me kos
Artikulli me titull “Po i prekët Shqiptarët ju betohem se jemi gati ta ‘shkatërrojmë’ për 24 orë çdo shtet..!!” është i rremë. Ky artikull është ilustruar me fotografinë e Presidentit Joe Biden. Në artikull nuk ofrohet asnjë dëshmi që e mbështetë titullin. Madje, në artikull thuhet se titulli është i rremë.
Artikulli
Më 25 mars 2023, faqja e internetit “news372media.com” publikoi një artikull me titull: “Po i prekët Shqiptarët ju betohem se jemi gati ta ‘shkatërrojmë’ për 24 orë çdo shtet..!!
Artikulli është ilustruar me një foto të presidentit të SHBA-së, Joe Biden.
I njëjti lajm është shpërndarë edhe në portale tjera si: “Lëvizja Panshqiptare”, “Maringlen”.
Lajmi me këtë titull ka qarkulluar nëpër faqe të ndryshme edhe në dhjetor të vitit 2022.
Presidenti i SHBA-së nuk ka bërë asnjë deklarim lidhur me shqiptarët apo kërcënimin e shteteve në mbrojtje të shqiptarëve.
Titulli nuk përkon me përmbajtjen e artikullit. Në artikull flitet se si verifikuesit e fakteve të Maqedonisë e kanë vlerësuar këtë titull si artikull të rremë.
