Rrena për vdekjen e Isa Mustafës
Deklarata
Lajmi i fundit: Vdes Mustafa
Vlerësimi
Rrenë
Titulli i artikullit “Lajmi i fundit: Vdes Mustafa” dhe i ilustruar me fotografinë e ish-kryeministrit, Isa Mustafa është i rremë. Isa Mustafa nuk ka vdekur. Kjo media duke mos e publikuar emrin e personit që ka vdekur dhe duke e ilustruar me fotografin e Isa Mustafës ka prodhuar në informacion të rremë. Sot ka vdekur Ragip Mustafa, vëllau i ish-kryeministrit, Isa Mustafa.
Artikulli
Në faqen e internetit “mergimtari.net” është publikuar me datën 6 tetor 2022 një informacion me titullin “Lajmi i fundit: Vdes Mustafa”.
Ky lajm është ilustruar me fotografinë e ish-kryeministrit Isa Mustafa.
Kjo përmbajtje është shpërndarë në faqen e Facebook-ut “Dardania Press” me datën 6 tetor 2022.
Përderisa në titull është thënë se “Vdes Mustafa” brenda në artikull thuhet se ka vdekur Ragip Mustafa, vëllai i ish-kryeministrit, Isa Mustafa.
Lajmin për vdekjen e tij e kanë bërë të ditur familjarë të Isa Mustafës në rrjetin social “Facebook”.