Rrena për vdekjen e aktorit Mirush Kabashi
Deklarata
Vdes në moshën 73 vjeçare, aktori i madh shqiptar Mirush Kabashi
Vlerësimi
Rrenë
Mirush Kabashi nuk ka vdekur. Vet aktori ka thënë se është mirë me shëndet, por ka thënë se është lajm i rremë që publikohet për herë të dytë brenda dy viteve. Herën e parë, në vitin 2021 portalet kishin raportuar për vdekjen e Kabashit.
Artikulli
Shkruar nga Diellza Berisha
Në janar 2023, disa faqe të internetit kanë publikuar një artikull me titull “Vdes në moshën 73 vjeçare, aktori i madh shqiptar Mirush Kabashi”.
Lajmi është shpërndarë në disa faqe në Facebook, si: “Korrespodenti.com”, “Gazeta Papirus”, “Gazeta Intro”, “Drenica”. Shumë prej mediave të cilat e kanë publikuar lajmin e kanë fshirë atë, pasi ishte vetë aktori që e demantoi lajmin.
KALLXO.com kontaktoi me Kabashin, i cili tha që mediat po mundohen disa herë të më shpallin të vdekur.
“Unë jam gjallë, mos u shqetësoni, të paktën këtë shqetësim ia hiqni njerëzve, demantojeni një lajm i cili po përsëritet, që është i rremë, si duket ka efekte”- tha Kabashi për KALLXO.com.
