array(1) {
  [0]=>
  array(4) {
    ["archive_color"]=>
    string(7) "#B9D156"
    ["menu_attr"]=>
    string(11) "Krypometër"
    ["main_title"]=>
    string(11) "Krypometër"
    ["custom_item"]=>
    string(8) "?level=4"
  }
}
Lumir Abdixhiku dhe Arban Abrashi

Rrena për përfundimin e punimeve në rrugën e Veternikut

Deklarata

Do të punohet ditën, do të punohet natën, e diku rreth 1 korrikut do ta kemi rrugën e hapur. 40 ditë.

Lumir Abdixhiku

Vlerësimi

Rrenë

Kemi hyrë në javën e dytë të muaji korrik dhe punëtorët ende shihen në punishte në rrugën e Veterrnikut. Rruga nuk ka përfunduar e premtimi nuk është mbajtur. Sipas ministrisë, vonesat janë shkaktuar për shkak të kushteve atmosferike. Ministria e Infrastrukturës tani udhëhiqet nga Arban Abrashi i LDK-së.

Artikulli

Rruga e Veternikut në hyrje të Prishtinës tash e disa vite është kthyer një një vendpunishte. Pas shembjes së një pjese të rrugës që ishte në ndërtim, punimet janë ndërprerë për një kohë të gjatë.

Në majin e këtij viti u duk se ndërtimi i kësaj rruge më në fund do të përfundoj.

Ish-ministri i Infrastrukturës, Lumir Abdixhiku, më 21 maj të këtij viti deklaroi se rruga e Veternikut do të përfundoj për 40 ditë, deri më 1 korrik.

Por, punimet në këtë rrugë kanë vazhduar edhe gjatë kësaj jave.

Në një përgjigje me shkrim, Ministria e Infrastrukturës thotë se përfundimi i rrugës është vonuar për shkak të kushteve atmosferike.

Tashmë, ministria e udhëhequr nga bashkëpartiaku i Abdixhikut, Arban Abrashi ka dhënë një datë të re për përfundimin e punimeve.

“Kushtet atmosferike kanë bërë të pamundur realizimin e projektit në afatin e parashikuar, pra më 1 korrik, përkundër që është duke u punuar me kapacitete të plota dhe me intensitet të shtuar. Përfundimi i projektit do të bëhet deri me datë 15 korrik”, thuhet në përgjigjen e Ministrisë për KALLXO.com.

Punimet në këtë rrugë kanë nisur në kohën e ministrit, Pak Lekaj. Në atë kohë ishte premtuar se punët në këtë projekt të përfundojnë në muajin nëntor të vitit 2018. Punimet ishin zvarritur fillimisht për shkak se Ministria e Infrastrukturës nuk kishte mjete për t’i paguar kompanitë e kontraktuara për ndërtimin e kësaj rruge.

E më vonë, për shkak të reshjeve, kishte rrëshqitur dheu në një pjesë të rrugës- duke i bllokuar punimet në atë anë.

Premtimi i Lumir Abdixhikut për përfundimin e punimeve në rrugën e Veternikut

Pikëpamjet e shprehura në këtë publikim janë të Internews Kosova dhe në asnjë mënyrë nuk mund të konsiderohen si qëndrim i Fondacionit të Kosovës për Shoqëri të Hapur.