Rrena për kryetarin e PDK-së
Deklarata
E meqë Albini nuk jep dorëheqje, rrini qaty nër hije e shkrunja ages naj çaj
Vlerësimi
Rrenë
Në artikull, në asnjë vend nuk është cituar ndonjë deklaratë dhënë nga kreu i PDK-së, Memli Krasniqi, përkundër që lajmi është ilustruar me fotografinë e tij. Krasniqi asnjëherë nuk ka deklaruar “e meqë Albini nuk jep dorëheqje, rrini qaty nër hije e shkrunja ages naj çaj” si aludohet në publikimin e bërë në Facebook. Teksti i publikuar nuk është artikull gazetaresk edhe pse paraqitet si i tillë në publikimin e bërë në Facebook.
Artikulli
Më 19 nëntor 2022, në faqen e internetit a-news24.com është publikuar një përmbajtje me titull “E meqë Albini nuk jep dorëheqje, rrini qaty nër hije e shkrunja ages naj çaj”, i cili është ilustruar me fotografinë e kryetarit të Partisë Demokratike të Kosovës, Memli Krasniqit.
I njëjti tekst është shpërndarë në disa faqe në facebook më 19 dhe 20 nëntor 2022: “Maqedonia Shqiptare”, “A news”.
Në artikull, në asnjë vend nuk është cituar ndonjë deklaratë dhënë nga kreu i PDK-së, Memli Krasniqi, përkundër që lajmi është ilustruar me fotografinë e tij.
Krasniqi asnjëherë nuk ka deklaruar “e meqë Albini nuk jep dorëheqje, rrini qaty nër hije e shkrunja ages naj çaj” si aludohet në publikimin e bërë në Facebook.
Teksti i publikuar nuk është artikull gazetaresk edhe pse paraqitet si i tillë në publikimin e bërë në Facebook.
Teksti përmban komente të disa personave që kanë shkruar në postimin e një përdoruesi të Facebook, por pa asnjë kontekst dhe prezantim të tyre.
