Rrena mediale se në tubimin e VV-së nuk kishte asnjë flamur të Kosovës

“Derisa të pranishmit që po marrin pjesë në tubim në duart e tyre po mbajnë flamurin kuq e zi, flamuj të shteteve të tjera por jo edhe atë të Republikës së Kosovës”.

Gjatë ditës së sotme është mbajtur tubimi i Lëvizjes Vetëvendosje në sheshin “Skënderbeu” në Prishtinë në nderë të 21 vjetorit të çlirimit të Kosovës si dhe për 15 vjetorin e formimit të LVV-së.

Gjatë këtij tubimi u panë flamuj të shumtë kombëtar, ndërsa u raportua se nuk pati asnjë flamur të Kosovës.

Ne media u  publikua një lajm se: “Asnjë flamur i Kosovës në tubimin e VV-së”.

 

Në anën tjetër, këshilltari i presidentit Thaçi, Adil Behramaj me anë të një postimi në rrjetin social Facebook ka shkruar se në tubimin e LVV nuk kishte asnjë flamur shtetëror.

 

“Pas aventurës me Serbinë dhe izolimit me Shqipërinë, Lëvizja Vetëvendosje paska provuar të rikthehet në identitet. Në “festivalin” e tyre nuk po shihet asnjë flamur shtetëror. Horrat sërish qenkan mbështjellë me patriotizmin e rremë duke e valëvitur flamurin kombëtar!”, thuhet në postimin e Behramajt.

Ekipet e KALLXO.com të cilët kanë përcjellur tubimin e Lëvizjes Vetëvendosje kanë raportuar se ka pasur flamuj të Kosovës në po këtë tubim.

Më poshtë u sjellim edhe fotografitë e tubimit ku shihen edhe flamujt e Kosovës.

 

 

Ky botim është prodhuar me përkrahjen e Bashkimit Europian. Përmbajtja e këtij botimi është përgjegjësi e BIRN-it dhe në asnjë mënyrë nuk mund të konsiderohet si qëndrim i Bashkimit Europian”.