Rrena mediale për publikimin e dokumenteve sekrete nga Wikileaks për Albin Kurtin

“Për herë të parë publikohen dokumente sekrete nga Wikileaks për Albin Kurtin, kjo gjë që u zbulua se çfarë thanë amerikanet për Kurtin do ju ‘tronditë’.

Një rrenë mediale është publikuar së fundi me të ashtuquajtura dokumente sekrete që thuhet se i ka publikuar organizata Wikileaks në lidhje me kryeministrin e Kosovës, Albin Kurti.

Artikulli është i publikuar në ueb faqen “lajme.buzz”, me titullin “Per here te pare publikohen dokumente sekrete nga Wikileaks per Albin Kurtin, kjo gje qe u zbulua se cfare thane amerikanet per Kurtin do ju ‘trondite’”, në të cilën nuk ka as datë dhe as orë publikimi.

Ndërkaq, i njëjti artikull është shpërndarë në faqen e Facebook-ut të “Der Kosova Albaner”, më 27 shtator të këtij viti.

Në tekst përmenden deklarime të vitit 2007, duke cituar mes tjerash Departamentin e Shtetit dhe portalin kosovar Indeksonline, ku thuhet se “amerikanët e kanë quajtur Kurtin vdekjeprurës”, ndonëse nuk ka pasur ndonjë deklaratë të tilë. As në Indeksonline nuk gjendet titull sikurse i lajmit të portalit “lajme.buzz”.