Fatmir Limaj e Shpend Ahmeti - Foto: KALLXO.com
Mashtrimi i Shpend Ahmetit e Fatmir Limajt për dialogun
Deklarata
Platforma: “Transparenca: Delegacioni do të sigurojë informim të rregullt publik dhe parlamentar mbi ecurinë e dialogut”
Vlerësimi
Rrenë e kryptë
Kanë mjaftuar vetëm 4 ditë që ekipi negociator ta shkel platformën për dialogun me dytë këmbët. Ekipi negociator ka shkelur njërin nga parimet e platformës, atë të transparencës. Nuk ka njoftuar se do të zhvillojnë takim në Bashkimin Evropian.
Artikulli
Platforma për dialogun Kosovë-Serbi që u miratua me 7 mars është shkelur 4 ditë më vonë, më 11 mars.
Drejtuesit e ekipit negociator të Kosovës në bisedimet me Serbinë, Shpend Ahmeti e Fatmir Limaj kanë qëndruar sot gjatë ditës në Bruksel me ftesë të përfaqësueses së BE-së, Federica Mogherini.
Udhëtimi i drejtuesve të delegacionit është bërë tinëz, pa njoftim për publikun. E në platformën e miratuar nga Kuvendi i Republikës së Kosovës, në parimin 10, pikën 1, thuhet se përfaqësuesit e ekipit negociator zotohen se do të sigurojnë informim të rregullt publik.
Bashkë me Limajn dhe Ahmetin, KALLXO.com merr vesh se ka udhëtuar edhe Blerim Shala. Mirëpo asnjëri prej tyre nuk është përgjigjur në pyetjet e redaksisë.
Ky grant është mundësuar nga ‘Programi i shoqërisë civile për Shqipërinë dhe Kosovën’, financuar nga Ministria e Punëve të Jashtme të Norvegjisë dhe menaxhuar nga Fondacioni Kosovar për Shoqëri Civile (KCSF) në partneritet me Partnerët Shqipëri për Ndryshim dhe Zhvillim (PA). Përmbajtja dhe rekomandimet e paraqitura nuk përfaqësojnë qëndrimin zyrtar të Ministrisë së Punëve të Jashtme të Norvegjisë dhe Fondacionit Kosovar për Shoqëri Civile (KCSF).