Lajmi i rremë rreth njohjes së Kosovës nga 5 vendet anëtare të BE-së

Artikulli ka titullin “Urime! Vucic tranohet, 5 shtete të BE-së do ta njohin Kosovën, Kurti flet për anëtarësimin në BE” i publikuar në mars dhe në prill të këtij viti.

Nëpër disa ueb-faqe është publikuar një titull me pretendimin se pesë vendet anëtare të Bashkimit Evropian që nuk e njohin pavarësinë e Kosovës, pritet të bëjnë një gjë të tillë.

Aty gjithashtu vlerësohet se presidenti i Serbisë, Aleksandar Vuçiq është i shqetësuar për këtë gjë.

Artikulli ka titullin “Urime! Vucic tranohet, 5 shtete të BE-së do ta njohin Kosovën, Kurti flet për anëtarësimin në BE” i publikuar në mars dhe në prill të këtij viti.

Ndërkaq, në artikull nuk përmendet njohja e mundshme nga vendet e BE-së apo presidenti serb Vuçiq. Aty vetëm citohet kryeministri Albin Kurti në lidhje me kërkesën për anëtarësimin e Kosovës në BE.

Në anën tjetër, zyrtarisht së fundi nuk ka pasur ndonjë paralajmërim se pesë vendet anëtare të bllokut evropian do të njohin Kosovën si shtet të pavarur.

Pavarësinë e Kosovës nuk e kanë njohur ende pesë vendet anëtare të BE-së, Greqia, Spanja, Qipro, Rumania dhe Sllovakia.

Kosova gjithashtu nuk gëzon liberalizimin e vizave dhe nuk është pjesë as e Këshillit të Evropës dhe as OKB-së.

‘HaIIakatet’ Vuciq, 5 shtete të BE-se do ta njohin Kosovën, Kurti flet për anëtarësimin në BE