Ilustrimi: KALLXO.com
Lajmi i rremë për zhdukjen e komandantit të FSK-së, Bashkim Jashari
Deklarata
“Zhduket komandanti i FSK-së Bashkim Jashari”
Vlerësimi
Rrenë e kryptë
Ky lajm, i publikuar me datë 4 prill, është i rremë. Gjenerallejtënant Bashkim Jasharin me datën 5 prill kishte marrë pjesë në 23 vjetorin e masakrës në fshatin Rezallë të komunës së Skenderajt dhe e kishte pritur në takim Drejtorin e NALT-it, Gjeneral brigade Jörg Rüter dhe pasuesin e tij Gjeneral brigade Joachim Hoppe. Ky nuk është lajmi i parë i rremë rreth ushtrisë së Kosovës dhe gjendjes së sigurisë në Kosovë.
Artikulli
Një lajm me mbishkrimin “Zhduket komandanti i FSK-së Bashkim Jashari” ka qarkulluar në disa portale online të Kosovës.
Lajmi është ndarë në portalin hitshqipvideo me mbishkrimin “E FUNDIT, zhduket komandanti i FSK-së Bashkim Jashari”, me titull të ngjashëm lajmi është shpërndarë edhe në portalet do24neës.com dhe GazetaPlusss.
Artikulli në këto portale është i rremë pasi nuk ka pasur raportim për zhdukjen e komandantit të FSK-së nga ana e familjes apo institucioneve të sigurisë dhe rendit.
Gjenerallejtënant Bashkim Jasharin kishte me datën 5 prill kishte marrë pjesë në 23 vjetorin e masakrës në fshatin Rezallë të komunës së Skenderajt. Në të njëjtën ditë, në prag të përfundimit të mandatit në pozitën e Drejtorit të NALT-it, Komandanti i FSK-së, Gjenerallejtënant Bashkim Jashari, kishte pritur në takim, Gjeneral brigade Jörg Rüter dhe pasuesin e tij Gjeneral brigade Joachim Hoppe.
Ky nuk është lajmi i parë i rremë rreth ushtrisë së Kosovës dhe gjendjes së sigurisë në Kosovë. Në këtë link mund të lexoni 50 lajme të rreme të publikuar gjatë 3 viteve të fundit në Kosovë.