Lajmi i rremë për të vdekurin në veri

Ky është terroristi tjetër i vrarë, ishte bërë gati ti sulmonte me zollë Policinë!

Më 24 shtator 2023 faqja në Facebook “Telenews.al” me përshkrimin “Terroristi tjetër i vrarë nga KOSOVO POLICE”.

E njëjta fotografi me mbishkrime që gjoja është realizuar në Kosovë në vitin 2023 është publikuar edhe nga faqet: Deçani, Suhareka Express, dhe GazetaFama.com.

Krypometri përmes kërkimit të fotografive në faqen “tineye.com”, ka gjetur se fotografia e postuar është e vjetër dhe është publikuar për herë të parë në prill të vitit 2016.

Siç përshkruhet në lajmet e publikuara nga mediat ndërkombëtare, trupi i pajetë është nga Azerbajxhani dhe është publikuar më 6 prill 2016. E njëjta fotografi është publikuar në vitin 2016 edhe nga media “aljazeera.net”.

Më 24 shtator 2023, rreth orës 03:00, një pjesëtar i Policisë së Kosovës është vrarë dhe një tjetër është plagosur nga një grup i personave të armatosur në Banjskë të Zveçanit.

Grupi i armatosur më pas ka hyrë në oborrin e manastirit të Bajnskës në Zveçan. Kryeministri i Kosovës, Albin Kurti kishte thënë gjatë ditës se personat e armatosur janë rrethuar nga policia tek manastiri i Bajnskës në Zveçan, në afërsi të të cilit është vrarë edhe polici Afrim Bunjaku, në orët e para të ditës së sotme, e janë lënduar dy të tjerë. 

Policia e Kosovës ka thënë se deri më tash tre sulmues janë vrarë dhe një tjetër i uniformuar dhe i armatosur është arrestuar.

Prokuroria Speciale e Kosovës deklaroi se rasti po trajtohet si sulm ndaj rendit kushtetues, ku hyn edhe terrorizmi si vepër penale.