Lajmi i rremë për ndarjen e 300 eurove për personat që e kanë kaluar COVID-19
Deklarata
Qeveria e Kosoves ndan nga 300€ per personat qe kan pas Covidin aplikoni ketu me letërnjoftim
Vlerësimi
Rrenë
Zëdhënësi i Qeverisë së Kosovës, Përparim Kryeziu ka thënë për KALLXO.com, se Qeveria e Kosovës nuk ka paraparë ndarjen e mjeteve financiare për personat që e kanë kaluar COVID-19.
Artikulli
Një lajm është publikuar në muajin nëntor në të cilin thuhet se Qeveria e Kosovës ndan nga 300 euro për personat të cilët e kanë kaluar COVID-19.
“Qeveria e Kosoves ndan nga 300€ per personat qe kan pas Covidin aplikoni ketu me letërnjoftim”, është titulli i lajmit i publikuar në ueb faqen “konakushqiptar.com”. Artikulli i këtij lajmi është i pakuptimtë.
Ndërkaq, në ueb faqen “gazetamitrovica.com” është publikuar lajm me titull “LAJMI I FUNDIT : Ndahen nga 300€ per pandemi aplikoni këtu”, i publikuar më 7 nëntor të këtij viti.
Ekzekutivi ka mohuar se do të ndajë mjete financiare për këtë kategori të qytetarëve.
Zëdhënësi i Qeverisë së Kosovës, Përparim Kryeziu ka thënë për KALLXO.com, se Qeveria e Kosovës nuk ka paraparë ndarjen e mjeteve financiare për personat që e kanë kaluar COVID-19.
Linqet e raportimeve:
https://gazetamitrovica.com/2021/11/07/lajmi-i-fundit-ndahen-nga-300e-per-pandemi-aplikoni-ketu/