Rrena e Shpend Ahmetit me Nisjen e Autobusëve të Rinj

15 autobusët e parë lëshohen në qarkullim më 11 janar, në linjat 4, 3 që janë më të frekuentuara

Shpend Ahmeti, kryetar i komunës së Prishtinës, Janar 2017

Rrenë

Zhurmë e madhe qe bërë vitin e kaluar për sagën e autobusëve të rinj për Trafikun Urban të Prishtinës.

Kredia e butë e Bankës Europiane për Rindërtim dhe Zhvillim (BERZh) për blerjen e 51 autobusëve ishte bërë për muaj të tërë ‘mollë sherri’ ndërmjet qeverisë së Kosovës dhe komunës së Prishtinës.

Procedurat e kredisë u mbyllën vjeshtë ndërsa konvoji i parë i autobusëve erdhi në Prishtinë më 30 dhjetor, kryetari i komunës kishte paralajmëruar futjen e tyre në qarkullim për 11 janar.

“15 autobusët e parë lëshohen në qarkullim më 11 janar, në linjat 4, 3 që janë më të frekuentuara”, kishte thënë Ahmeti më 24 dhjetor të vitit të kaluar në emisionin “Me Shukin”.

Shpend Ahmeti më 24.12.2016: “15 autobusët e parë lëshohen në qarkullim më 11 janar, në linjat 4, 3 që janë më të frekuentuara”.

Vlerësimi: Autobusët nuk janë vënë ende për dispozicion të udhëtarëve ndërsa kompania publike e transportit të udhëtarëve “Trafiku Urban” është duke operuar ende me autobusë të vjetruar.

  • E Vërtetë

  • Pjesërisht E Vërtetë

  • Me Kos

  • Rrenë

  • Rrenë e kryptë

  • Qëndrim i ndërruar

  • Hetimet vazhdojnë

Por më 11 janar është bërë vetëm përurimi i autobusëve dhe fatin për t’u shetitur me ta të parët e patën zyrtarët komunalë, qeveritarë, mysafirët e huaj dhe gazetarët.

Kur kanë kaluar gati tri javë pas këtij afati të përmendur nga Ahmeti, autobusët janë ende duke qëndruar në parkingun e Trafikut Urban.

Zyrtarë të komunës tani nuk përmendin më datë kur udhëtarët do t’i shfrytëzojnë autobusët e rinj.

“Deri më tani kanë ardhur 30 autobusë, të cilët janë në procedura teknike-administrative për të hyrë në funksion në komunikacion. Këta do të operojnë në linjat 3 dhe 4. Në ndërkohë po trajnohen edhe shoferët, edhe stafi tjetër teknik mbështetës për mirëmbajtjen e autobusëve”, tha për KALLXO.com zyrtari për informim i komunës së Prishtinës, Adonis Tahiri.

‘Hetimet Vazhdojnë’ për Forcat e Armatosura dhe Viza

by Erjonë Popova
NA NDIQNI

Send this to a friend