Konstatimi i rremë për ‘stresin e Vuçiqit’ rreth deklaratave për NATO-n
Deklarata
“NATO-s i duhet Kosova” – Kjo po e ben Vuçiqin me stгes të madh sepse…”
Vlerësimi
Rrenë
Përmbajtja e publikuar në titullin e postimit në “Lexo Sot” nuk mbështetet nga materiali i publikuar brenda artikullit. Artikulli nuk ofron asnjë provë apo mbështetje se presidenti serb është në stres nga deklarata e ministrit Mehaj.
Gjatë raportimit gazetarët duhet t’i mbështesin konstatimet në prova dhe burime të identifikueshme. Materiali në fjalë nuk mbështetet në burime dhe prova të identifikueshme.
Artikulli
Në faqen e internetit “news308media.com” është publikuar një artikull me datën 4 mars 2022 me titullin “NATO-s i duhet Kosova” – Kjo po e ben Vuçiqin me stгes të madh sepse…”
E njëjta përmbajtje është shpërndarë në faqen e Facebook-ut “Lexo Sot” me datën 4 mars 2022 dhe me 9 gusht 2022.
Informacioni i publikuar i është referuar një postimi të ministrit të Mbrojtjes së Kosovës, Armend Mehaj, të cilin e ka publikuar në “Facebook” me datën 3 mars 2022.
E gjithë përmbajtja është postimi i Ministrit Mehaj ndërsa në asnjë moment deklarata e Ministrit nuk përmend stres apo shqetësim tek Vuçiq.
Për më tepër në artikull nuk ka asnjë burim të cituar për “stresin” e presidentit serb, Aleksander Vuçiq, siç pretendohet në titull.
Në përmbajtjen e artikullit është cituar vetëm postimi i ministrit Mehaj i cili thotë se NATO-s i duhet Kosova.
