KGJK premton prioritizimin e rasteve të grave në gjykatë

Deklarata

Skender Çoçaj: Këto lëndë patjetër se do të trajtohen me prioritet, lëndët e dhunës në familje ku gratë janë viktima po edhe çështjet e trashëgimisë, patjetër se do të trajtohen me prioritetin ma të madh, në secilën gjykatë do të caktohet një gjyqtar i cili do të mirret ekskluzivisht me trajtimin e këtyre lëndëve, këto lëndë për ata do të jenë prioriteti absolut.  

Skender Çoçaj

Vleresimi

Hetimet vazhdojnë

Premtimi i Skender Çoçajt, Kryesues i KGJK-së  lidhur me prioritizimin e lëndëve gjyqësore të grave është premtim konkret dhe i matshëm brenda një periudhe kohore. KRYPOMETRI e vlerëson këtë situatë si 'hetimet vazhojnë' dhe mbajtja apo jo e këtij premtimi do të monitorohet.

Artikulli

Kryesuesi i Këshillit Gjyqësor të Kosovës Skender Qoqaj, një ditë para se të fillojë me kryesimin e këtij institucioni premtoi se të gjitha çështjet gjyqësore në të cilat palë janë gratë do të trajtohen me prioritet gjatë mandatit të tij.

Këtë premtim i pari i KGJK-së, e bëri në emisionin Jeta në Kosovë.

Ai tha se rastet e dhunës, ngacmimeve seksuale dhe ato të pronave do të trajtohen me prioritet nga gjykatat.

“Është e vërtetë se me datën 8 mars do ta marr detyrën e kryesuesit, për mua është një shenjë e mirë për shkak se 8 marsi është dita e grave, e nënave tona, në këtë drejtim do të angazhohem se të gjitha rastet që kanë të bëjnë me gratë sidomos ato të pronës, dhunës dhe ngacmimeve seksuale të trajtohen me prioritet”, tha Qoqaj.

Qoqaj shtoi se në secilën gjykatë do të caktojë nga një gjyqtar për trajtimin e këtyre lëndëve.

“Këto lëndë patjetër se do të trajtohen me prioritet, lëndët e dhunës në familje ku gratë janë viktima po edhe çështjet e trashëgimisë, patjetër se do të trajtohen me prioritetin ma të madh, në secilën gjykatë do të caktohet një gjyqtar i cili do të mirret ekskluzivisht me trajtimin e këtyre lëndëve, këto lëndë për ata do të jenë prioriteti absolut”, tha Kryesuesi.

Skender Çoçaj u zgjodh Kryetar i ri i Këshillit Gjyqësor të Kosovës pasi që mundi kundërkandidatin e tij, kryesuesin paraprak Nehat Idrizin.
Ai ka qenë gjykatës në Gjykatën Themelore të Prizrenit si dhe njëherësh edhe nënkryetar i kësaj Gjykate.

Qoqaj kryesimin e KGJK-së, zyrtarisht e filloi punën me 8 mars 2019, në Ditën Ndërkombëtare të Gruas.