array(1) {
  [0]=>
  array(4) {
    ["archive_color"]=>
    string(7) "#B9D156"
    ["menu_attr"]=>
    string(11) "Krypometër"
    ["main_title"]=>
    string(11) "Krypometër"
    ["custom_item"]=>
    string(8) "?level=2"
  }
}

Foto: president-ksgov.net

Huqja Kushtetuese e Presidentit Thaçi

Deklarata

Hashim Thaçi: Në pajtim me propozimin e Këshillit Prokurorial, sot, me dekret kam emëruar 40 gjyqtarë dhe 13 prokurorë të rinj të shtetit nga komuniteti jo shumicë.

Hashim Thaçi

Vlerësimi

Pjesërisht e vërtetë

Krypometri deklaratën e presidentit Hashim Thaçi e vlerëson si gjysmë të vërtetë apo huqje të fakteve që bazohen në Kushtetutën e Republikës së Kosovës. Këshilli Gjyqësor ka kompetenca t’i propozojë presidentit emrat e rinj për gjykatë.

Artikulli

Presidenti i Republikës së Kosovës pas procedurës së betimit të gjyqtarëve dhe prokurorëve që do të punojnë në institucionet e drejtësisë në veri të vendit, si pjesë e Marrëveshjes për Drejtësi të arritur në Bruksel me 10 shkurt 2015, ka dhënë një deklaratë në faqen e tij zyrtare në “Facebook”.

“Në mbështetje të kompetencave kushtetuese dhe ligjore, në pajtim me propozimin e Këshillit Prokurorial, sot, me dekret kam emëruar 40 gjyqtarë dhe 13 prokurorë të rinj të shtetit nga komuniteti jo shumicë”, ka shkruar në faqen e tij të “Facebook”-ut, presidenti Thaçi.

Mirëpo, kjo deklaratë është e pasaktë.

Kushtetuta e Republikës së Kosovës, më konkretisht neni 104, parasheh që: “Gjyqtarët i emëron, riemëron dhe shkarkon Presidenti i Republikës së Kosovës, me propozimin e Këshillit Gjyqësor të Kosovës.”

Pra, deklarimi i presidentit del të jetë i pasaktë apo lëshim në aspektin kushtetues, ngase gjyqtarët nuk i propozohen presidentit për emërim nga Këshilli Prokurorial i Kosovës, por nga Këshilli Gjyqësor i Kosovës.

Por, është i sakt[ konstatimi i presidentit sa i përket propozimit për emërim të prokurorëve të Republikës së Kosovës.

Në bazë të Kushtetutës (nenit 84, paragrafi 18), thuhet se presidenti “emëron dhe shkarkon Kryeprokurorin e Shtetit të Republikës së Kosovës, me propozimin e Këshillit Prokuroial të Kosovës.”