Huqja e Policisë për vrasjen në Pejë
Deklarata
Policia e Kosovës: Policia i është përgjigjur menjëherë vendit të ngjarjes dhe me të arritur është hasur në viktimën V. S. (1989) i cili ishte pa shenja jete
Vlerësimi
Me kos
Policia e Kosovës ia ka huqur emrit të personit të vrarë mbrëmë në Pejë. Informacione të tilla, shumë të ndjeshme, duhet pasur kujdes para se të plasohen nga Policia e Kosovës. Një informacion i gabuar nga Policia i shtyn edhe mediat të shpërndajnë informacione të pasakta. Pesha e një informacioni të pasaktë është shumëfishë më e madhe në rastet e tilla të ndjeshme, sic janë vrasjet. Prandaj, krypometeri e ka shënuar këtë pasaktësi, në mënyrë që Policia të jetë shumë e vëmendshme para se të vendos për të plasuar një lajm, pasi i njëjtin konsiderohet burim zyrtar
Artikulli
Policia e Kosovës ka dhënë deklarata të pasakta rreth vrasjes që kishte ndodhur me datën 16 shtator në Pejë. Policia e Kosova ia ka huqur të paktën emrit, përkatësisht inicialet e të vrarit, njëra prej çështjeve kryesore në një rast të tillë.
Në komunikatën e lëshuar nga Policia e Kosovës, me datën 17 shtator në ora 8 e 25 minuta thuhet se janë njoftuar në ora 21:20 për një person pa shenja jete në në rr. “Qerim Muriqi”.
“Policia i është përgjigjur menjëherë vendit të ngjarjes dhe me të arritur është hasur në viktimën V. S. (1989) i cili ishte pa shenja jete. Vdekjen e viktimës në vend të ngjarjes e ka konstatuar ekipi mjekësor”, thuhet në komunikatën e lëshuar nga Policia e Kosovës. Pra, komunikata është lëshuar rreth 11 orë pas marrjes së informatës së parë nga ana e Policisë.
Por, gjatë ditës ka qarkulluar lajmi me emrin e personi të vrarë në Pejë, që dallon nga inicialet që janë dhënë nga Policia e Kosovës. Përveç, emrin paqartësi kanë dal edhe rreth moshës së viktimës.
“Viktima i ka inicialet K.S. Po unë kam gabuar më herët, ndërsa për moshën e kam pa në portale që kanë shkru që viktima është 32 vjeçar, por i njëjti është 89-sh, këtë e kemi vërtetuar me dokumentin e identifikimit”, tha Driton Rugova.
Sa i përket moshës së viktimës, KALLXO.com ka siguruar edhe letrën e shkruar nga familjarët e të vrarit e cila i njofton qytetarët për kohën e varrim në të cilën thuhet se i ndjeri ishte 32 vjeçar.
Ngjarja ka ndodhur mbrëmë rreth orës 21:20 minuta, në Pejë, rruga “Qerim Muriqi ” ku i vdekur në makinë u gjend Kenan Sadria.
Rreth orës 00:40, me urdhër të prokurorit, trupi i viktimës është tërhequr nga ekipi i Mjekësisë Ligjore dhe është dërguar për obduksion.
https://kallxo.com/dergohet-per-obduksion-trupi-i-te-vrarit-ne-peje/
