Huqja e Halil Matoshit për tragjedinë në lumin Tisa

Deklarata

2014: Lexoni diçka Retro për Shpresën, me Sh-të madhe të shqipshkrimit!!! 120 mijë qytetarë të Kosovës braktisën vendin ilegalisht gjatë dhjetorit.  Ndodhi tragjedia në lumin Tisa.  Kryeministri i atëhershëm Profesor Isa Mustafa thoshte se emigrantët kishin telefona të mençur

Halil Matoshi

Vleresimi

Rrenë

Tragjedia në lumin Tisa ka ndodhur në vitin 2009, e jo në vitin 2014 kur me qeverinë ka udhëhequr Lidhja Demokratike e Kosovës. Në kohën e qeverisë Mustafa kishte valë të ikjes së qytetarëve, por tragjedia ku humben jetën 15 kosovarë ka ndodhur në kohën e qeverisë Thaçi I.

Artikulli

Këshilltari i Kryeministrit në dorëheqje, Halil Matoshi, ka reaguar ndaj deklaratave të zëdhënësit të LDK, Besian Mustafa.

Ky i fundit përmes një publikimi në Facebook ka thënë se po vjen Qeveria e Shpresës.

“Një takim, shumë panik! Merreni me qetësi, çuna! Thjeshtë, po vie Qeveria e Shpresës”, ka shkruar Mustafa.

Kurse Matoshi përmes një postimi në “Facebook” e ka kontestuar ‘Qeverinë e Shpresës”.

Duke e përshkruar qeverisjen Mustafa, Matoshi e ka bërë një huqje.

“2019: Besian Xh. Mustafa po thotë se po vie Qeveria e Shpresës. Me Sh- të madhe të shtypit! 2014: Lexoni diçka Retro për Shpresën, me Sh-të madhe të shqipshkrimit!!! 120 mijë qytetarë të Kosovës braktisën vendin ilegalisht gjatë dhjetorit.  Ndodhi tragjedia në lumin Tisa.  Kryeministri i atëhershëm Profesor Isa Mustafa thoshte se emigrantët kishin telefona të mençur”, ka shkruar Matoshi.

Por, tragjedia në lumin Tisa ka ndodhur ndërmjet datës 14 dhe 15 tetor 2009, ku në tentim për të imigruar ilegalisht në Evropën perëndimore, 15 nga 18 personat e gjendur humbën jetën pas fundosjes së barkës.

Isa Mustafa në atë nuk kohë ka qenë kryeministër. Qeveria udhëhiqej nga Hashim Thaci dhe Partia Demokratike e Kosovës në koalicion me LDK-në.

Isa Mustafa në vitin 2007 si kandidat i Lidhjes Demokratike të Kosovës, u zgjodh kryetar i komunës së Prishtinës dhe ka qeverisur me kryeqytetin deri në fund të 2013-ës.