array(1) {
  [0]=>
  array(4) {
    ["archive_color"]=>
    string(7) "#B9D156"
    ["menu_attr"]=>
    string(11) "Krypometër"
    ["main_title"]=>
    string(11) "Krypometër"
    ["custom_item"]=>
    string(8) "?level=5"
  }
}

Haradinaj ‘kërkah’ me historinë, ia huq për regjimin e Fidel Kastros

Deklarata

Haradinaj: Albini po thotë me e kthy edhe njëherë komunizmin..e ka provu Enver Hoxhaj, Fidel Kastro e kush se provoi..

Ramush Haradinaj

Vlerësimi

Rrenë e kryptë

Vlerësimi: Ramush Haradinaj ka qenë i pasaktë historikisht në lidhje me sistemet komuniste në botë. Komunizmi është ende gjallë në Kubë edhe pas vdekjes së Fidel Kastros.

Artikulli

Ndryshe nga sa mund të mendonin njohësit e politikës ndërkombëtare, për Kryeministrin e Kosovës, komunizmi është një realitet i vdekur.

Në një takim me qytetarë të Vitisë, Kryeministri i dorëhequr dhe kandidati i listës së AAK-PSD, Ramush Haradinaj, ndër tjerash duke kritikuar Lëvizjen Vetëvendosje ka thënë se koha e komunizmit ka mbaruar.

Haradinaj thumboi liderin e LVV-së  Albin Kurtin i cili sipas tij “ dëshiron ta kthejë komunizmin”.

“Albini po thotë me e kthy edhe njëherë komunizmin..e ka provu Enver Hoxhaj, Fidel Kastro e kush se provoi”, tha Haradinaj.

Kështu ai la të kuptohej se komunizmi në botë, përkatësisht Shqipëri dhe Kubë, ka vdekur me vdekjen e Enver Hoxhës dhe Fidel Kastros.

Kjo megjithatë nuk qëndron.

Sistemi politik në Kubë vazhdon të jetë komunist dhe nuk është rrëzuar siç pretendon Haradinaj.

Në krye të vendit si Sekretar i Parë i Regjimit Komunist kubanez është Raul Kastro.

Rauli është vëllai i Fidel Kastros i cili ndërroi jetë në vitin 2016. Fidel Kastro ka qeverisur me Kubën komuniste që prej vitit 1959.

Së bashku me Che Guevaran, Kastro arriti të përmbys regjimin e Fulgencio Batistas, i cili mbështetej nga SHBA-të.

Kastro ka mbetur gjithnjë një kundërshtar i ashpër i Shteteve të Bashkuara të Amerikës dhe ka arritur ta mbajë Kubën komuniste pavarësisht tentimeve Amerikane për ta përmbysur regjimin e komunist, i cili mbetet ndër të pakta vende në botë me një sistem një partiak.

Pra, Haradinaj nuk ka qenë i saktë në aspektin historik sepse pushteti komunist i Kastros ende është i gjallë.