Ilustrim
Fushë Kosova ende pa dy çerdhet e premtuara
Deklarata
Premtimi – “Ndërtimi i dy çerdheve publike në Fushë Kosovë”
Vlerësimi
Hetimet vazhdojnë
Gjatë mandatit qeverisës të Burim Berishës që nga viti 2017 nuk është ndërtuar asnjë çerdhe e re. Krypometri do të vazhdojë të përcjellë nëse premtimi do të mbahet deri në fund të mandatit.
Artikulli
Kryetari i Komunës së Fushë Kosovës Burim Berisha, kishte premtuar ndërtimin e dy çerdheve publike në Fushë Kosovë brenda mandatit qeverisës.
Që nga ajo kohë, komuna ka arritur që të funksionalizojë vetëm një çerdhe të re dhe atë me partneritet publiko-privat,
“Ndërtimi i dy çerdheve publike në Fushë Kosovë”, është listuar si premtim i Berishës në Institutin GAP.
Drejtoi i Arsimit Islam Shabani, më 2 shtator për KALLXO.com se gjatë këtij mandati nuk është ndërtuar asnjë çerdhe.
“Nuk është ndërtuar asnjë çerdhe gjatë këtij mandati nga shkaku i vetëm se nuk kemi pasur truall – pronë publike për të ndërtuar çerdhe! Kemi pasur edhe oferta nga BE për ndërtimin e një çerdheje, por nga mungesa e pronës nuk është arritur pëlqimi për një donacion nga Europa”, ka thënë Shabani.
Krypometri do të vazhdoj ta mbikëqyrë këtë premtim se a do të realizohet deri në fund të këtij mandati.
Komuna e Fushë Kosovës me rreth 35 mijë banorë ka vetëm një çerdhe publike. Kopshti “Gëzimi ynë” ka rreth 200 fëmijë nga 1-5 vjeç, të cilët vijojë aktivitetet në këtë institucion.
Më 1 shtator, komuna ka njoftuar se ka filluar puna në çerdhen publiko private në Miradi të Ulët.