Foto: Medina Braha, Facebook
Projekti 'kreativ' i Komunës së Prishtinës
13.11.2021 - 11:06
Drejtoria e Shërbimeve Publike në Komunën e Prishtinës ka vënë një mbishkrim “Mirë se vini në Prishtinë” në hapësirën gjelbëruese tek rreth-rrotullimi afër stacionit të autobusëve.
Ky mbishkrim, është vendosur në hapësirën gjelbëruese.
Drejtoresha e Shërbimeve Publike, Medina Braha e ka quajtur këtë ‘projekt kreativ’ të drejtorisë që udhëheq.
“Mirë se vini në Prishtinë”, projekti i radhës kreativ nga Drejtoria e Shërbimeve Publike”, ka thënë Braha në rrjetin Facebook.
Një projekt tjetër i komunës në këtë hapësirë me vendosjen e gjelbërimit vertikal nuk pati sukses, pasi vetëm pak muaj më vonë, gjelbërimi ishte tharë.
Braha nuk ka treguar se sa ka kushtuar realizimi i këtij projekti dhe se do të përgjigjet pas ditës së hënë.