Prishet rruga në Pepaj të Rugovës, ende pa i bërë 1 vit nga asfaltimi
Rruga që lidhë fshatrat Llutovë dhe Pepaj në Rugovë të Pejës ende pa i mbushur një vit që kur ishte përuruar është bërë e pakalueshme.
Asfalti i ri i cili nuk ka ende një vit që është shtruar, është prishur në disa pjesë përgjatë rrugës në këtë fshat, duke e bërë këtë rrugë të palakueshme.
Kjo banorëve po iu bën të pamundur kalimin përmes kësaj rruge.
Drejtoria e Shërbimeve Publike në Pejë për këtë rast ka thënë fuqia natyrore nuk mund të parandalohet dhe se kjo prishje është rezultat i rrëshqitjes së tokës nga vërshimet.
Sipas kësaj zyrtarëve nga kjo drejtori banorëve do t’u mundësohet një rrugë alternative deri në rregullimin e rrugës.
“Fshatit Pepaj, do të i’u mundësohet rruga alternative; Koshutan-Pepaj e që aktualishtë është e mbyllur nga bora, por operatorët tonë Ekonomik shumë shpejtë do të reagojnë”, thuhet në njoftimin e Komunës.
Sipas tyre kjo pjesë e dëmtuar do të rregullohet dhe riparohet në një afat optimal.