Fatos Mani, këshillltar politik i ministrit të infrastruktrurës, Pal Lekaj.
Këshilltari i Pal Lekajt rrugës për drejtor të financave në ministrinë e AAK-së
Fatos Mani, këshilltari politik i Pal Lekajt, është kandidati i rekomanduar nga Komisioni përzgjedhës për pozitën e drejtorit të Financave në Ministrinë e Infrastrukturës.
KALLXO.com ka gjetur se këshilltari i Pal Lekajt është rekomanduar nga Komisioni përzgjedhës për pozitën e drejtorit të Departamentit për Financa në Ministrinë e Infrastrukturës, si kandidati me vetëm katër pikë më shumë se kandidatja tjetër në radhë.
Në njofrimin e datës 19 tetor për kandidatin më të suksesshëm në këtë pozitë, del që kësaj liste i prinë Fatos Mani, me 4 pikë më shumë se vendi i dytë.
Më saktë Mani ka marr 848 pikë, vetëm 4 pikë më shumë se pasuesja në listë, Lindita Osaj, e cila është 844 pikë.
KALLXO.com ka kontaktuar Fatos Manin për ta pyetur nëse ka hequr dorë nga pozita e këshilltarit dhe se a e konsideron rekomandimin e tij konflikt interesi, por ai nuk i është përgjigjur thirrjeve e as sms-vë.
As Ministria e Infrastrukturës nuk është përgjigjur në pyetjet e KALLXO.com
Konkursi për Drejtor në Departamentin për Financa dhe Shërbime të Përgjithshme është shpallur më 9 tetor.
Fatos Mani është edhe pjesë e strukturave të Aleacës për Ardhmërinë e Kosovës.
Ai ishte zgjdhur pjesë e Këshillit Drejtues të kësaj partie në 2015-ën.
KALLXO.com do të kërkojë interpretim edhe nga Agjencia Kundër Korrupsion për të parë nëse ka konflikt të interesit.