Kandidati i PDK-së nuk merr asnjë votë në një vendvotim në Zubin Potok
19.5.2019 - 20:43
KALLXO.com po monitoron nga afër procesin e zgjedhjeve në Veri.
Në shkollën Jovan Cvijic, me numër vendvotimi 2816/B 01/D në Zubin Potok, numërimet e votave kanë përfunduar rreth orës 19:45.
Në ketë klasë, kandidatja e Lëvizjes Vetëvendosje, Liridona Kahrimani ka marrë vetëm një votë.
Kandidati i PDK-së, Hysni Mehmeti nuk ka marrë asnjë votë, ndërsa, Srdjan Vuloviq ka marrë 292 vota.
Në katër komuna në veri të Kosovë janë mbajtur zgjedhjet për kryetarë.
Zgjedhjet u mbajtën pas dorëheqjes së katër kryetarëve si reagim ndaj vendosjes së taksës 100 për qind nga Qeveria e Kosovës ndaj mallrave serbe dhe boshnjake.
Deri më tani është raportuar së mbarëvatja e procesit zgjedhor ka kaluar pa ndonjë incident që vlen të përmendet.