Kosova nuk guxon të krijojë një nivel të tretë të qeverisjes

Marc Weller, i cili ka qenë këshilltar i qeverive të Kosovës në negociatat me Serbinë për gati dy dekada, është pyetur se a duhet të kemi frikë që pika 7 e Planit franko-gjerman mund të çojë në krijimin e një Republike Srpska.

Weller ka thënë se Republika Srpska është një shembull shumë i keq që nuk duhet të ishte pranuar kurrë në atë formë ngase ajo vulosi ndarjen e Bosnjës, edhe nëse shteti i Bosnjës si tërësi do të vazhdonte.

Një gjë e tillë, sipas Weller, nuk është propozuar as në pikat e Marrëveshjes së arritur në vitin 2013.

“Kosova ka të drejtë në atë që insiston që bashkëpunimi ndërmjet komunave nuk guxon, pra nuk guxon asnjëherë të çojë në krijimin e një niveli të tretë të qeverisjes brenda shtetit. pikërisht këtu është e dobishme kjo marrëveshje e re, sepse kjo sqaron se po flasim për një Asociacion ku komunat që bashkëpunojnë në zbatimin e autoritetit që tashmë e kanë si komunë, dhe për këtë arsye nuk u shtohet asnjë autoritet tjetër përveç mundësisë për të koordinuar atë që tashmë e bëjnë, pra të koordinohem më shumë së bashku” – ka thënë Weller.

Lajçaku dhe Escobari takohen për të koordinuar hapat për takimin e radhës