Bytyqi: Valon Syla është islamofob
Asdren Bytyqi, avokat, në emisionin “Kallxo Përnime”, gazetarin Valon Syla e ka quajtur islamofob.
Bytyqi ka thënë se Syla ka goditur një grup të caktuar duke u tallur me kredon e besimit të tyre.
“Ai është tallur me ajetet kuranore të këtij grupi, i banalizon me ‘Mercedes’ në formë rime edhe njërëzit ndihen të ofenduar, pra z. Syla nga deklarimet e tij është tipik një islamofob, i cili e ka krijuar një ekstremizëm. Për mua këto të dyja janë të papranueshme” – ka thënë Bytyqi.
Ai ka shtuar se nuk është në interes të askujt që të ngrihet një debat i tillë përçarës.
“Në një kohë të diskutimeve të mëdha, të pasigurisë e përçarjes së madhe me Serbinë. Askujt s’i konvenon më shumë pos Serbisë. Se në fund kush po dëmtohet pos shoqëria jonë” – tha më tej Bytyqi.
Ndryshe, të martën, gazetari Valon Syla është sulmuar nga tre persona në lagjen “Bregu i Diellit”. Të dyshuarit janë arrestuar dhe pritet të dalin para gjykatës.
