Talenti i 15-vjeçares për dizajn mode
Pasioni për modën e talenti për artin ka shtyrë Zana Islamin që të mirret me dizajn mode.
15-vjeçarja nga Mitrovica thotë se vizatimi për të është qetësi shpirtërore dhe shfaqje e imagjinatës dhe kreativitetit.
Dizajni është hobi i saj aktualisht por ajo planifikon ta shndërrojë në një profesion në të ardhmen. Talentin e saj për këtë fushë thotë se ia zbuloi kujdestarja në shkollën e saj.
Zana është nxënëse e gjimanzit “Frang Bardhi” në Mitrovicë.
Inspirimi i saj është Donatela Versace, një dizajnere e famshme italiane. E të preferuara e saj për të vizatuar janë fustanet solemn.
“Unë bëj një lloj përzierje të stileve te ndryshme por gjithmonë duke pare kërkesën dhe preferencat aktuale, anoj nga fustanet solemn. Harmonia e secilës vepër janë ngjyrat prandaj secili dizajn ka ngjyra që ju përshtatet eventit apo edhe stinës gjatë stinës se verës përdoren ngjyrat e ngrohta si e kuqe qe simbolizon zjarrin dhe ngrohtësinë kurse gjatë stinës se dimrit ngjyrat e ftohta si e kaltra qe jep ndjesinë e të ftohtit”, thotë ajo.
Ajo thotë se ëndrra e saj është që në të ardhmen të hap një lokal të saj.
“Unë në të ardhmen mendoj të studioj në këtë fushë deri në perfeksionimin dhe marrjen e informacioneve te mjaftueshme ku do me ndihmonin për realizimin e ëndrrave te mija”, shprehet ajo.
Autorja Gentiana Krasniqi është nxënëse e gjimnazit “Hamdi Berisha” në Malishevë.
Ky botim është prodhuar me përkrahjen e Bashkimit Europian. Përmbajtja e këtij botimi është përgjegjësi e BIRN-it dhe në asnjë mënyrë nuk mund të konsiderohet si qëndrim i Bashkimit Europian.