Kallxo 360:  Memoriali i Familjes Historike në Prekaz

Fushëbeteja e familjes Jashari me forcat serbe brenda shtëpive të vjetra që janë sot pjesë e memorialit të 59 viktimave vjen në detaje nga kamera e teknologjisë së fundit, 360 shkallë.

Nga 5 deri më 7 mars të vitit 1998, familja Jashari në krye me komandantin e Ushtrisë Çlirimtare të Kosovës, Adem Jashari i rezistuan sulmit rrethues të ushtrisë serbe në përpjekje për zhdukjen e idesë për lirinë dhe pavarësinë e Kosovës.

Nga beteja tre ditore, në fshatin Prekaz të Komunës së Skenderajt, u vranë 59 persona, nga ta edhe pleq e fëmijë.

Sot, 18 vite pas, shtëpitë e shkatërruara nga plumbat dhe artileritë e ushtrisë serbe vizitohen çdo vit nga rreth 400 mijë njerëz.

Në kompleksin memorial të mbrojtur institucionalisht, shtrihen shtëpitë, varrezat si dhe një muze me rekliktet e mbetura nga familja heroike.

Në kuadër të muzeut, sot janë ekspozuar edhe armët e ushtarëve Adem dhe Hamëz Jashari dhe po ashtu lodra të fëmijëve që ranë në këtë betejë.

Muzeu përmban edhe ‘maxhen’, një objekt i vjetër për ruajtjen e miellit që kishte mundësuar fshehjen e vajzës së vetme të mbijetuar brenda shtëpive, Besarta Jasharin.

Brenda shtëpive, gjenden akoma eksponante që priten të mblidhen për një muze më të madh që përkujton veprën e Jasharajve.

Ndërkaq shtëpitë, presin të konservohen meqënese ekziston rreziku i shembjes nga vjetërsia dhe mos mirëmbajtja.

KALLXO.com do të sjellë një seri të video reportazheve me kamerën 360 shkallë nëpër objekte dhe zona të trashëgimisë kulturore dhe shpirtërore

ETIKETA

08 Nëntor 2017 - 09:32

Doruntina Baliu 08/11/2017 - 09:32
NDËRVEPRIMI0
Prishtina Insight
NA NDIQNI

Send this to a friend