Deputetja e Lëvizjes Vetëvendosje, Donika Kadaj-Bujupi
Kadaj-Bujupi thotë se Kosova po Importon Thëngjill
Në interpelancën e Kryeministrit Isa Mustafa për shfrytëzimin e thëngjillit në Minierën e Sibovcit , ftuesja e kësaj interpelance Donika Kadaj-Bujupi tha se Kosova po importon thëngjill.
Deputetja Donika Kadaj-Bujupi ka deklaruar se miniera e Sibovcit po rrezikohet të mbyllet në qershor për shkak të mosveprimit të Qeverisë së Kosovës.
Sipas Kadaj-Bujupit në hapësirën e minierës së Sibovcit edhe pse ishte i ndaluar ndërtimi, janë ndërtuar mbi 200 shtëpi për të kërkuar kompensime nga zhvendosja.
Kadaj-Bujupi propozoi një mocion për votim, pas diskutimeve.
Në mocion i kërkohet qeverisë të lirojë zonën e veçantë, të themelohet korporata publike e thëngjillit, të hetohen dhe të ndërmerren masa ligjore që prej atyre që kanë penguar zgjerimin e minierës e deri te ata që kanë ndryshuar kahjen e minierës.
Ftesën për interpelancë të Isa Mustafës e kanë nënshkruar edhe 15 deputetë të tjerë.
Gazeta Jeta në Kosovë ka shkruar për jetën e vështirë të banorëve në vendet ku gërmohet qymyri.
