Organizimi i protestave dhe efekti i tyre ishte tema e diskutimit për emisionin e sotëm ‘Jeta në Kosovë’.

Në prag të protestës së thirrur nga Lëvizja  Vetëvendosje për të shtunën, partitë në pushtet dhe në opozitë folën për protestën si mjet demokratik dhe domethënien e saj në Kosovë, ndër vite.

Përfaqësues nga opozita flasin për atë se pritet të zhvillohet protesta e 29 shtatorit.

Ndërkaq përfaqësues të shoqërisë civile flasin mbi motivet e një proteste të suksesshme.

Përballë Jeta Xharrës për këtë temë diskutojnë Lutfi Haziri nga Lidhja Demorkatike e Kosovës, Glauk Konjufca nga Lëvizja Vetëvendosje, Bilall Sherifi nga NISMA Socialdemokrate dhe Haki Abazi , analist.

Emisioni “Jeta në Kosovë” transmetohet çdo të enjte në RTK në orën 20:15 dhe repriza të premten në mesditë.

Policia e Kosovës ka arrestuar një shtetas të Maqedonisë së Veriut, i cili ishte në kërkim ndërkombëtar nga autoritetet maqedonase.

Sipas Policisë, arrestimi i të dyshuarit është bërë nga njësia Fast-Kosova në bashkëpunim me Drejtorinë për Hetimin e Trafikimit me Narkotik dhe në mbeshtetje të Njësisë për Reagim të Shpejtë-Ferizaj, më 19.04.2024.

“Pas një pune intensive në terren, (njësitë e Policisë) kanë arritur të lokalizojnë dhe më pas të arrestojnë në Ferizaj, një shtetas nga Maqedonia e Veriut. I dyshuari ishte në kërkim ndërkombëtar nga autoritetet maqedonase” – ka njoftuar Policia më 19.04.2024.

Sa i përket trajtimit të mëtutjeshëm të këtij rasti, Policia ka thënë se në koordinim me organet përkatëse do të zbatohen procedurat e parapara për raste të tilla.

Ata po ashtu kanë thënë se mbesin të përkushtuar dhe angazhuar që përveç angazhimeve për të ruajtur rendin e sigurinë e brendshme edhe do të angazhohen në thellimin e bashkëpunimit ndërkombëtar në fushën e sigurisë.