Rreth 200 të rinj u mblodhën në një sallë në Prishtinë për të dëgjuar debatin lidhur me këtë kategori të shoqërisë.

Cila është perspektiva e të rinjve në Kosovë?

Çfarë përfiton kjo kategori e shoqërisë nga shteti dhe cili është plani qeveritar për ta?

Në debatin me mikrofon të hapur të rinjtë pyesin ministrat pjesëmarrës në debat lidhur me punësimet familjare dhe partiake nëpër institucione.

Për këto tema dhe shumë të tjera debatojnë:

Shyqiri Bytyqi, Ministër i Arsimit; Valdrin Lluka, Ministër i Ekonomisë ; Trina Binaku, Iniciativa e të Rinjve për Drejta të Njeriut; Vlladimir Zhivkoviq, punon në Helvetas ne punësimin e të rinjëve; Shpresa Agushi, që punon me komunitetin rom në organizatën ROGRAEK; dhe Eurisa Rukovci, themeluese e aplikacionit SHNET për edukim seksual.

Emisioni ‘Jeta në Kosovë’ transmetohet çdo të enjte orën 20:15 në RTK dhe repriza të premten në mesditë.

Zyrtarët amerikanë thonë se Pentagoni është gati të dërgojë 1 miliard dollarë ndihmë të re ushtarake në Ukrainë. Njoftimi vjen ndërsa Senati fillon debatin mbi ligjin e shumëpritur, që parashikon ndihmë ushtarake për Kievit, për të zmbrapsur trupat ruse.

Vendimi i bërë publik të martën vjen pas disa muajsh debatesh e tensionesh që çuan në bllokimin e ndihmës.

Kryetari i Dhomës së Përfaqësuesve Mike Johnson u detyrua të bëjë bashkë një koalicion dypartiak për të miratuar projektligjin.

Pas një vonese disa mujore, shkaktuar nga një grup republikanësh në Dhomën e Përfaqësuesve, ndihma prej 61 miliardë dollarësh, u miratua të shtunën nga kjo dhomë dhe të martën do shqyrtohet nga Senati.

Presidenti Biden ka thënë se do ta nënshkruajë atë menjëherë.

Presidenti i Ukrainës Volodymyr Zelensky tha se ai “është mirënjohës” për vendimin, që sikurse tha ishte “në drejtimin e duhur të historisë”.

Paketa pritet të miratohet të martën ose të mërkurën në Senat.

Ndihma për Ukrainën është pjesë e një pakete të përgjithshme ndihme të huaj prej 95 miliardë dollarësh, që parashikon financime edhe për Izraelin dhe Tajvanin.

Ndërkohë komandanti i Gardës Kombëtare të Ukrainës Oleksandër Pivnenko, në një intervistë për shtypin lokal, njoftoi se trupat ruse po përgatiten për një ofensivë gjatë verës dhe do të synojnë të godasin në zona të paparashikuara.

Komentet e ushtarakut të lartë bëhen në një kohë kur Ukraina ka nevoja urgjente për armatime.

Drejtori i CIA-s, Bill Burns paralajmëroi javën e kaluar se dërgimi i ndihmave me shpejtësi është jetike dhe se pa to, Ukraina mund ta humbasë luftën deri në fund të vitit.

Sipas zyrtarëve amerikanë, Pentagoni mund t’i dërgojë ndihmat ushtarake brenda disa ditësh, falë rrjetit të gjerë të depove ushtarake amerikane në Shtetet e Bashkuara dhe në Evropë./VOA.