BIG DEAL 4
Në tre-vjetorin e nënshkrimit të marrëveshjes së parë ndërmjet kryeministrave të Kosovës dhe Serbisë, emisioni “Jeta në Kosovë” transmeton debatin e zhvilluar në konferencën e BIG DEAL – platformë monitoruese e shoqërisë civile për implementimin e marrëveshjeve të arritura nën ndërmjetësimin e Bashkimit Evropian.
Emisioni i sontëm do të jetë i pari ku do të promovohet skena e re e “Jeta në Kosovë”.
Raporti i fundit i BIG DEAL (Marrëveshja e Madhe), i shkruar nga eksperti gjerman Bodo Weber, analizon kryesisht pasojat që ka shkaktuar vendimi i dhjetorit të vitit të kaluar i Gjykatës Kushtetuese të Kosovës për marrëveshjen për themelimin e Bashkësisë/Asociacionit të Komunave me Shumicë Serbe si dhe ofron rekomandime për qeveritë e Kosovës, Serbisë dhe për Bashkimin Evropian për rrugën përpara në procesin e dialogut.
Për procesin e dialogut do të flasin:
Samuel Zhbogar, përfaqësuesi i BE-së në Kosovë;
Bodo Weber, Këshilli i Politikave për Demokratizim dhe autor i raportit të BIG DEAL;
Bajram Gecaj, Zëvendës Ministër i Administrimit të Pushtetit Lokal;
Faik Ispahiu, Drejtor i Internews Kosova;
Jelena Miliq, Qendra për Studime Euro-Atlantike;
Besa Shahini, Analiste;
Petar Miletiq, ish-deputet i Kuvendit të Kosovës dhe
Tanja Maksiq, BIRN Serbia