‘Jeta në Komunë’ me Kryetarin e Obiliqit

Xhafer Gashi do të dalë nesër para Jeta Xharrës dhe asamblistëve të komunës për t’u përgjigjur për premtimet që i kanë realizuar e nuk i kanë realizuar tash e dy vjet qëkur janë votuar t’i drejtojnë komunën e Obiliqit.

Në gjysmën e mandatit të këtij pushteti lokal, Jeta Xharra me ekipin e saj, ashtu siç kishte premtuar gjatë debateve parazgjedhore, do ta vizitojë secilin komunë dhe kryetar veç e veç për të parë se si u kanë ecur punët dhe sa janë realizuar premtimet e dhëna gjatë zgjedhjeve të fundit për pushtet lokal.

Këtë të diel, duke filluar nga ora 11 e ditës, në Televizionin publik të Kosovës, RTK, do të transmetohet seria e re e debateve komunale të prodhuara nga BIRN dhe Internews Kosova.

Të dielën, në orën 11:00, do të transmetohet debati me kryetarin e Komunës së së Obiliqit, Xhafer Gashi.