Presidentja Atifete Jahjaga
Jahjaga: Vendimi për Asociacionin të Respektohet
23.12.2015 - 18:31
Pak pasi kushtetuesja publikoi vendimin, Zyta e Presidentes konfirmoi se Jahjaga e ka pranuar vendimin e Gjykatës Kushtetuese të Republikës së Kosovës në kërkesën e saj për të shqyrtuar përputhshmërinë e parimeve të asociacionit të komunave me shumicë serbe me Kushtetutën e Republikës së Kosovës.
“Presidentja Jahjaga u ka bërë thirrje të gjitha institucioneve dhe spektrit politik në Kosovës që të respektojnë vendimin e Gjykatës Kushtetuese”.
“Presidentja Jahjaga ka ftuar partitë e koalicionit qeverisës dhe opozitën të shfrytëzojnë këtë moment për të rinisur dialogun politik në Kosovë dhe për të rikthyer normalitetin në vend”, thotë deklarata e Zyrës së Presidentes.