Tregu i Madh, foto: Alban Zogaj/Twitter
Pas raportimit të KALLXO.com, Komuna e Prishtinës pastron Tregun e Gjelbër në Zonën Industriale
Ditë më parë KALLXO.com raportoi për gjendjen e rëndë më mbeturina në Tregun e Gjelbër te Zona Industriale në Prishtinë.
Në hapësira të këtij tregu ishin hedhur mbetje frutash e perimesh, kuti e qese të shumta, të gjitha këto vetëm pak metra larg tezgave të tregtarëve.
Sot nënkryetari i Prishtinës, Alban Zogaj, njoftoi se po pastrojnë këtë treg ku gjendja ka qenë e rëndë.
Zogaj ka falënderuar ndërmarrjen ‘Pastrimi’ për këtë aksion.
“Po pastrojmë hapësirat e Tregut të Madh të Prishtinës! Gjendja ka qenë e rëndë. Falenderoj shumë kolegët e Ndërmarrjes ‘Pastrimi’ për këtë aksion” – ka shkruar Zogaj.
Po pastrojmë hapësirat e Tregut të Madh të Prishtinës! Gjendja ka qenë e rëndë. Falenderoj shumë kolegët e Ndërmarrjes ‘Pastrimi’ për këtë aksion. #Prishtina #Pastrimi pic.twitter.com/rge7oWVVr1
— Alban Zogaj (@albanzogaj) August 31, 2022