Hulumtimi: Kosovarët Populli më i Lumtur në Rajon
14.3.2018 - 20:07
Finlandezët janë populli më i lumtur në botë, tregon një hulumtim i Kombeve të Bashkuara i kryer në 156 shtete.
Norvegjia, e cila vitin e kaluar ka qenë e para, tani është në vendin e dytë, ndërsa në mesin e 10 vendeve më të lumtura në botë bëjnë pjesë edhe Danimarka, Islanda, Zvicra, Holanda, Kanada, Zelanda e Re, Suedia dhe Australia.
Nga fuqitë e mëdha, ShBA zë vendin e 18-të, Britania e Madhe të 19-tin, Rusia 59 dhe Kina 86.
Në mesin e vendeve të rajonit, Kosova zë vendin e 66-të, Serbia 79, Mali i Zi 81, Kroacia 82, Bosnja 93. (REL)