Hashim Thaçi minimizon dorëheqjen e Ramush Haradinajt, i vie keq për këshilltarin
Reagimin e tij për dorëheqjen e Ramush Haradinajt Hashim Thaçi e ka nisur me lajmin për thirrjen nga Haga të këshilltarit të tij.
Para faktit se vendi ka mbetur par kryeministër Thaçi fillimisht ka thënë se i vie keq që këshilltari i tij është thirrur nga Haga “Me keqardhje mësova që Gjykata Speciale ka ftuar për intervistim ish-shefin e Shtabit të UÇK-së, Bislim Zyrapi, njëherësh këshilltar i imi, ish-komandantin e Zonës Operative të Dukagjinit, kryeministrin Ramush Haradinaj, si dhe disa ish-eprorë të tjerë të UÇK-së” ka shkruar Thaqi.
Në reagimin e Thaçi ka thënë së e respekton vendimin e Haradinajt për të dhënë dorëhequr nga ky post ndërsa lajmin e ka marrë nga mediat.
“Nga mediat tani u informova edhe për vendimin e Kryeministrit të Republikës së Kosovës, Ramush Haradinaj, për dorëheqjen e parevokueshme nga pozita e tij” ka shkruar Thaçi.
Ai nuk ka dhënë përgjigje nëse do e respektoj kërkesën e Haradinajt për të shpallur zgjedhje të jashtëzakonshme në vend.
“Unë e respektoj vendimin e tij dhe si President i Republikës së Kosovës ju siguroj se do të veprojë bazuar në kompetencat e mia kushtetuese dhe ligjore, për të cilat qytetarët e Kosovës do të njoftohen me kohë” ka shtuar Thaçi.
Në dorën e Thaçit pas dorëheqjes së Haradinajt është shpallja e zgjedhjeve ose dhënia e mundësisë për partitë e tjera që të themelojnë qeveri të re.
Historiku i Gjykatës Speciale:
Me 82 vota për, 5 kundër dhe 1 abstenim, deputetët e asaj legjislature i kishin votuar ndryshimet e nevojshme kushtetuese të cilat i kishin hapur rrugë themelimit të kësaj gjykate të kërkuar nga bashkësia ndërkombëtare.
Në atë kohë, kryeministër kishte qenë Isa Mustafa, ndërsa zëvendëskryeministër Hashim Thaçi.
Ky i fundit kishte qenë shumë i zëshëm në mbështetjen e krijimit të kësaj Gjykate.
Gjykata Speciale për Kosovën në përbërjen e saj do të ketë vetëm prokurorë e gjykatës ndërkombëtarë.
Ajo ka filluar punën muajve të fundit, kur ka ftuar disa ish figura të larta të Ushtrisë Çlirimtare të Kosovës.
Lëvizja Vetëvendosje kishte qenë partia e vetme e cila unanimisht kishte votuar kundër krijimit të kësaj Gjykate, ndërsa nga partitë e tjera ka pasur disa figura të pakta që kanë votuar kundër.